maiatza 17, 2017

LEGE SALIKOAREN OIHARTZUNA ARAMAION, 1830-33

Fernando VII
Espainiako historian 1830eko martxoaren 29ko data esanguratsua izan zen, egun hartan gertatu baitzen “Pragmática Sanción” edo Berrespen Pragmatikoaren aldarrikapena, Fernando VII.aren aldetik. Beraren bidez, Lege Salikoa deuseztatzen zen, hau da emakumeak ezin zitezkeela erreginak izan adierazten zuena. Fernando VII.aren emaztea haurdun zegoen data hartan.

Aramaioraino ere iritsi zen espainiar Gortean bizi zen zurrunbiloa eta 1830eko ekainaren 10ean Aramaioko udalak Fernando VII.aren emaztearen haurdunaldiaren eta Lege Saliko bezala ezagututakoaren indargabetzearen berri izan zuten, batera.  

“Se leyó una Real Orden expedida en veinte y nueve de Marzo, relativa a la sucesión regular de la Corona de España para la observancia perpetua de la Ley Segunda, título quince, partida segunda”
...
Isabel II
“Se leyó otra real orden de nueve de mayo, relativa a la preñez de la Reina y que en acción de gracias al Divino se hiciese rogativas públicas y secretas, suplicándole de bien dispensar a la Reina un feliz alumbramiento, y que cubriese con el escudo de su omnipotencia el fruto de nuestra venturosa vida para que prosperen la religión y el estado”

Haurdunaldi hartatik urrian neskatila bat jaio zen, Isabel II izango zena. Fernando VIIak “Pragmatica Sanción” izenarekin ezagututakoa aldarrikatu zuen alaba jaio baino lehen. Neskatila hura erregina izan zitekeen, baina…

Fernando VII.aren anaia Karlosek presioa egin zuen bere aldekoekin eta erregea gaixorik zegoela aprobetxatuta Fernandorengandik lortu zuten Berrespen Pragmatikoa balio gabe uztea 1832ko irailean, Karlosek berak bere burua erregegaitzat hartuz. Hala ere, erregearen ustekabeko osasun-susperketa izan zela eta, Fernando VII.ak ostera betiko ezabatu zuen Lege Salikoa 1832ko abenduaren 31n, eta hiritarrei erret-agindu baten bidez azaldu zitzaien erabakia. Aramaioko udal batzordeak 1833ko urtarrilaren 25ean irakurri zen agindua:

Karlos erregegaia
“Se leyó una Real Orden fecha cuatro del corriente relativo como su Real Majestad restablecido de la enfermedad, ha determinado volver a encargarse del despacho de los negocios desde el mismo día; Otra de la misma fecha declarando por su Majestad nulo el decreto que se le arrancó por sorpresa en los momentos más graves de su enfermedad, derogando la Pragmática sancionada de veinte y nueve de marzo de mil ochocientos y treinta, que trata de la sucesión regular a la corona de España; y enterados dichos señores, acordaron su cumplimiento”

Une haietan Simon Etxebarria zen Aramaioko alkatea. Handik zenbait hilabetetara Fernando VII hil zen eta Isabel II erregina koroatu zuten. Gerra karlistaren hastapenetan zeuden.

Argazkiak: Wikipedia






iruzkinik ez:

Argitaratu iruzkina